سندھ اچ گورنر راج دا ارادہ ہے ناں ہی وفاق سندھ اچ تبدیلی کیتے مداخلت کریسی،وزیر اطلاعات
APP49-31
ISLAMABAD: December 31 Federal Minister for Information and Broadcasting Chaudhry Fawad Hussain addressing press conference. APP photo by Irfan Mahmood
اسلام آباد ۔ 31دسمبر (اے پی پی)وفاقی وزیر اطلاعات ونشریات چوہدری فواد حسین آکھیے جو سندھ اچ گورنر راج دا ارادہ ہے ناں ہی وفاق سندھ اچ تبدیلی کیتے مداخلت کریسی، جعلی اکاﺅنٹس سکینڈل اچ ناںا ٓونڑ تے مراد علی شاہ کوں آپ ہی عہدہ چھوڑ ڈیونڑا چاہیدے،اے نہ تھیوے جو سندھ اسمبلی اپنڑاختیار استعمال کریندے ہوئے انہاں کوں آپ ہٹا ڈیوے،سندھ حکومت دے ترقیاتی منصوبیاں دے ارباں روپے جعلسازی نال زرداری سسٹم اچ گین،آصف علی زرداری دا ذوالفقار علی بھٹو اتے بے نظیر بھٹو دی پیپلز پارٹی نال کوئی تعلق کائنی، او صرف کرپشن کیتے اے ناں استعمال کریندن،احتساب داعمل تیزی نال جاری راہسی، کرپشن دی تحقیقات نال شفافیت آسی ، ملک معاشی طور تے مستحکم تھیسی،حکومت اصغر خان کیس دی کارروائی آگو تے ٹورنڑ کیتے کردار ادا کریسی۔ اے گالھ انہاں اسلام آباد اچ پریس کانفرنس کریندے آکھی۔وفاقی وزیر اطلاعات چوہدری فواد حسین آکھیا جو جعلی اکاو¿نٹس انہاں دی کرپشن دا کچا چٹھا کھول ڈتے جو سندھ دے عوام دا پیسہ دبئی اچ ویندا رہے اتے اومنی گروپ اتے جعلی اکاو¿نٹس دے ذریعے سارا زرداری دے سسٹم اچ منتقل تھئے، مسلم لیگ ن دے دور اچ 2016اچ اے معاملہ سامنڑے آیا ہا پچھنڑا چاہیدے جو اوں ویلھے دے وزیر داخلہ چوہدری نثارڈو سال تئیں کیوں چپ پئے رہین،ایندا مطلب اے جو پہلے معاملات مک مکا تے چلدئے ویندے پئے ہن بھل عمران خان اقتدار اچ آتے مک مکا دا اے کھیڈ مکا چھوڑیے۔ انہاں اے تاثر رد کر ڈتے جو وفاقی حکومت سندھ حکومت دا تختہ الٹنڑ ویندی پئی اے جو سندھ اچ گورنر راج لگدا پئے، بھل اینجھی کوئی گالھ کائنی فرق اتنا ہے جو کرپشن داچارٹر آف ڈیموکریسی کرنڑ آلے نوازشریف اتے زرداری دی چوری پکڑی گئی اے، ہنڑ کھادا وصول کرنڑ دا ویلھا آگئے۔انہاںا ٓکھیے جو ساڈے ڈو وزیراں صرف الزامات تے عہدے چھوڑین، مراد علی شاہ کوں وی اے نصیحت اے جو اوآپ عہدہ چھوڑ ڈیون نتاں سندھ اسمبلی انہاں توں اے عہدہ ولا گھنسی کیوں جو جعلی اکاو¿نٹس اچ انہاں دا ناں وی آئے۔فواد چوہدری آکھیا جو جے آئی ٹی 16 ریفرنسز دائر کرنڑ دی درخواست کیتی اے،عدالت عظمی جتنے وی ریفرنسز دائر کرنڑ دا حکم ڈیسی ایندے تے عملدرآمد کیتے حکومت ذمہ واری پوری کریسی اتے احتساب دا عمل اویں تیزی نال جاری راہسی۔فواد چوہدری آکھیے جو بلاول خواب دٰکھنر چھوڑن، جیکر انہاں دا پیو حکومت نئیں ڈھوا سگیا تاں او کیویں ڈاہ ڈینہہ اچ وفاقی حکومت ہلا سگدن، امید اے جو جعلی اکاﺅنٹس سکینڈل اچ متاثرہ فریق سندھ دے غیور عوام آپ ہی اپنڑے ارباں روپے کھاونڑ تے سندھ حکومت اتے زرداری دے خلاف تحریک چلیسن۔
