پاکستان ماضی اچ دیوالیہ تھئے نہ ہݨ تھیسی ،ملک کوں پیش آندے مسئلیں دا رل تے سامݨا کریسوں ، برآمدات کوں 100 ارب ڈالر تئیں گھن ونڄݨ قومی چیلنج اے، وفاقی وزیر احسن اقبال

اسلام آباد۔29دسمبر(اے پی پی) وفاقی وزیرمنصوبہ بندی،ترقی وخصوصی اقدامات پروفیسراحسن اقبال آکھیے پاکستان چیلنجزتے مسئلیں دا مقابلہ کرسڳدے ، جیڑھے لوک ملک دے دیوالیہ تھیوݨ دیاں ڳالھیں کریندے پئن او پاکستان دے یار کائنی بلکہ دشمن ہن، پاکستان نہ ماضی اچ دیوالیہ تھیا ہئی تے نہ ہݨ تھیسی ، ملک کوں درپیش مسئلیں دا رل تے سامݨا کریسن اتے اینکوں حل کریسن ، 5 توں 7 سال اچ 32 ارب ڈالر دی برآمدات کوں 100 ارب ڈالر دی سطح تے گھن ونڄݨ اساں کیتے قومی چیلنج اے۔ خمیس کوں اتھاں ھک تقریب توں خطاب کریندے ہوئیں انہاں آکھیے جو ایں ویلھے معاشی لحاظ نال ملک کوں مسئلے تے چیلنجاں دا سامݨا اے مگر اساکوں یقین اے جو رل تے انہاں مسئلیں تے چیلنجاں تے کامیابی نال قابو پاتا ویسی ،اساں ملک کوں قدم بقدم اڳوں گھن تے ویندے پیوں ۔ انہاں آکھیے ایں ویلھے ملک کوں جتھاں داخلی بحران دا سامنا اے اتھاں عالمی معاشی کسادبازاری دی صورتحال وی اے ۔ عالمی بینک، ایشیائی ترقیاتی بینک اتے ٻئے مالیاتی اداریں پاکستان جیہے ترقی پذیرملکاں دی معیشتاں دے حوالہ نال جیڑھی محتاط پیشن گوئیاں کیتن انہاں دے مطابق عالمی کساد بازاری دا ٻوجھ پاکستان جہیے ملکاں تے وی پئے سڳدے ۔

مضمون کا ماخذ : قزاقوں کی کافی مقدار

متعلقہ مضامین