اسلام آباد ۔ 28 اگست (اے پی پی) وفاقی وزیراقتصادی امورمخدوم خسروبختیار آکھیے جو پاکستان جاپان نال تعلقات کوں قدر دی نگاہ نال ڈیکھدے اتے امید اے جو ڈوہیں ملکاں وچال برآمدی ودرآمدی متبادل صنعتاں اتے قدرتی آفات نال نبڑنڑ دے انتظام تے انصرام سودھے سارے شعبیں اچ تعلقات مزید ودھ ویسن ۔انہاں اے گال پاکستان اچ جاپان دے سفیرمستوداکونی نوری نال ملاقات اچ گال مہاڑ کریندے ہوئیں آکھی اے ۔ملاقات اچ ڈوہیں ملکاں وچال ڈو پاسے سفارتی، تجارتی اتے اقتصادی تعلقات ودھاونڑ متعلق امور تے گال مہاڑ کیتی گئی ۔ وفاقی وزیرآکھیے جوپاکستان دی حکومت اتے عوام جاپان ولوں اسلام آباد میٹرو پولیٹن کارپوریشن دے ویسٹ مینجمنٹ کیتے 7.4 ملین ڈالر دی مشینری ڈتی اے اوندی تعریف کریندن ،انہاں آکھیے اوکھے ویلھے جاپان ولوں انسداد کورونا کیتے تعاون ڈیونڑ تے جاپان دا شکریہ ادا وی کیتا ۔ جاپان ولوں پاکستان اچ توانائی، ٹرانسپورٹ، صنعتاں اتے سماجی ترقی دے شعبیں اچ تعاون قابل ذکر اے۔انہاں جاپان ولوں کراچی اچ اربن فلڈ مینجمنٹ کیتے تکنیکی معاونت دی وی تعریف کیتی ۔ وفاقی وزیر جاپان دے سفیرکوں مختلف شعبیں خاص طور تے تعمیراتی صنعت اتے مینوفیکچرنگ دے شعبہ کوں ترقی ڈیونڑ دے جمن اچ حکومت ولوں کیتے ونجنڑ آلے اقدامات بارے ڈسایا تے آکھیا جو حکومت تعمیراتی اتے مینوفیکچرنگ شعبہ کوں ودھارا ڈیندی پئی اے ایں ضمن اچ جاپانی کمپنیاں مختلف ترقیاتی شعبیں کیتے پاکستان دی حکومت ولوں متعارف کیتے گئے رعایتی سکیماں توں فائدہ چا سگدن ۔ جاپان دے سفیر آکھیے جو انہاں دا ملک پاکستان نال تجارت ودھاونڑ چاہندے ، جاپان پاکستان نال قدرتی آفات توں بچنڑ تے آباد کاری دے شعبے اچ تعاون ودھاونڑ چاہندے ، فریقین ڈوہیں ملکاں دے سانجھے فائدے کیتے کورونا وباءدے بعد دے دور اچ تجارت تے اقتصادی تعلقات کوں مزید ودھاونڑ دے عزم دا اعادہ کیتے۔
