وزیراعظم شہباز شریف دی اپوزیشن کوں میثاق معیشت، مفاہمت دی دعوت

اسلام آباد۔3مارچ(اے پی پی)منتخب وزیراعظم محمد شہباز شریف اپوزیشن کوں میثاق معیشت اتے مفاہمت دی دعوت ݙیندے آکھیے جو آئو رل تے پاکستان دی قسمت سنواروں اتے ایکوں چیلنجاں توں کݙھوں، غربت ڳھٹاوݨ، روزگار ݙیوݨ، معاشی انصاف، سستا و فوری انصاف ساݙا مقصد اے، بیرونی سرمایہ کاری ودھاوݨ کیتے ویزہ فری انٹری دی سہولت ݙیسوں، بجلی دیاں قیمتاں ڳھٹاوݨ کیتے تیل نال بجلی پیدا کرݨ آلیاں کمپنیاں فوری طور تے متبادل ذرائع نال بجلی دی پیداوار تے توجہ ݙیون۔ انہاں آکھیا جو سرمایہ کاری اتے کاروبار دوست ماحول کوںس وکھا کرݨ دے اقدامات کیتے ویسن، بہترین ٹرانسپورٹ سہولتاں، بجلی و ٹیکس چوری نال نمٹم دے اقدامات، ایف بی آر اچ خودکار نظام متعارف کرویسوں، ہݨ محنت کرݨ دا ویلھا آڳئے۔ او آݙت کوں وزیراعظم منتخب تھیوݨ دے بعد قومی اسمبلی اجلاس نال خطاب کریندے پئے ہن۔ انہاں اعتماد کرݨ تے اتحادی جماعتاں دے قائدین آصف علی زرداری، بلاول بھٹو زرداری، ڈاکٹر خالد مقبول صدیقی، چوہدری شجاعت حسین، چوہدری سالک حسین، عبدالعلیم خان، سردار خالد مگسی اتے ارکان دا شکریہ ادا کیتے۔

مضمون کا ماخذ : میگا ملینز کے فاتحین

متعلقہ مضامین