سابق وزیراعظم محمد نواز شریف کوں العزیزیہ ریفرنس اچ احتساب عدالت 7 سال قید بامشقت، 25 ملین ڈالر جرمانہ تے ڈاہ سال کیتے نااہلی دی سزا سنڑا ڈتی
BERLIN, GERMANY - NOVEMBER 11: Pakistani Prime Minister Nawaz Sharif arrives at the Chancellery to meet with German Chancellor Angela Merkel on November 11, 2014 in Berlin, Germany. Sharif is on a two-day official visit to Germany. (Photo by Sean Gallup/Getty Images)
اسلام آباد ۔ 24 دسمبر (اے پی پی)احتساب عدالت سابق وزیر اعظم محمد نواز شریف دے خلاف فلیگ شپ انوسٹمنٹ اتے العزیزیہ ریفرنسز دا محفوظ کیتا گیا فیصلہ سنڑیندے ہوئیں انہاں کوں العزیزیہ ریفرنس اچ 7 سال قید بامشقت، 25 ملین ڈالر جرمانہ اتے ڈاہ سال کیتے نااہلی دی سزا سنڑا ڈتی اے جڈاں جو فلیگ شپ انوسٹمنٹ ریفرنس اچ سابق وزیر اعظم محمد نواز شریف کو ں بری کر ڈتے جیں دے بعد کمرہ عدالت اچ موجود نیب حکام انہاں کوں تحویل اچ گھن گھدے ۔احتساب عدالت دے جج محمد ارشد ملک نیب دے دائر کیتے گے ریفرنسز تے فیصلہ بدھ 19 دسمبر کوں محفوظ کیتا ہئی جیرھا جو انہاں سنوار کوں سنڑایا۔ ایں موقع تے احتساب عدالت دے آسے پاسے سکیورٹی ڈے سخت انتظامات کیتے گے ہن۔ مسلم لیگ (ن) دے رہنما تے کارکنان سویلے ساڈھے ست وجے توں ہی احتساب عدالت آونڑ شروع تھی گے ہن ۔سابق وزیر اعظم احتساب عدالت دا فیصلہ سنڑنڑ کیتے ہک ڈینھ پہلے اتوار کوں اسلام آباد پج گے ہن ۔ مسلم لیک (ن) دے رہنما احسن اقبال، مریم اورنگزیب، سابق وزیر اعظم شاہد خاقان عباسی، مہتاب عباسی اتے بزرگ رہنما جاوید ہاشمی وی احتساب عدالت پجے ۔ شاہد خاقان عباسی اتے بئے لیگی رہنماواں کوں عدالت دے اندر ونجنڑ دی اجازت نہ ملی ۔سابق وزیر اعظم محمد نواز شریف احتساب عدالت ونجنڑ توں پہلے اپنڑے وکیل خواجہ حارث نال ملاقات کیتی۔ ایں موقع تے حمزہ شہباز، پرویز رشید، طلال چوہدری، طارق فضل چوہدری اتے سابق گورنر سندھ محمد زبیر وی موجود ہن ۔ ایندے توں پہلے سپریم کورٹ پاناما کیس اچ 28 جولائی 2017ءکوں محمد نواز شریف کوں نااہل قرار ڈیندے ہوئیں انہاں تے انہاں دے بالاں دے خلاف آمدن توں ودھ اثاثے بنڑاونڑ تے ریفرنس دائرکرنڑ دا حکم ڈتا ہئی ۔ ٹرائل دوسری عدالت منتقل تھیونڑ دے بعد العزیزیہ تے فلیگ شپ ریفرنس اچ جج ارشدملک 80سماعتاں کیتیاں جیں دے بعد 24دسمبر تئیں فیصلہ محفوظ کر گھدا ہئی ۔
