پاک فضائیہ دا 1965 دی جنگ دے ہیرو سکواڈرن لیڈر منیر الدین احمد (شہید) کوں خراج عقیدت

اسلام آباد۔24مئی(اے پی پی):سکواڈرن لیڈر منیر الدین احمد (شہید) دی بہادری اتے دلیری کوں خراج عقیدت پیش کرݨ تے انہاں دے عظیم کارنامیں کوں اجاگر کرݨ دی غرض توں پاک فضائیہ دے شعبہ تعلقات عامہ 1965 دی جنگ دے ہیرو دی یاد اچ ھک خصوصی پرومو جاری کیتے۔ جنگ دے دوران سکواڈرن لیڈر منیر شہید کئی فضائی معرکیں اچ حصہ ڳھدا تے دشمن دے قیمتی اثاثیں کوں شدید نقصان پڄائے ۔ترجمان پاک فضائیہ موجب 10 ستمبر، 1965 کوں انہاں ہندوستانی علاقے اچ آپݨی فارمیشن دی قیادت کیتی تے بھارتی فضائیہ دے ھک نیٹ لڑاکا طیارے کوں مار ڈھایا ۔ 11 ستمبر 1965 دے ݙینھ انہاں ھک گراؤنڈ اٹیک مشن دے دوران بہادری نال لڑدے ہوئیں جام شہادت نوش کیتا تے جݙاں جو انہاں دا طیارہ دشمن دی طیارہ شکن توپاں دی ذد اچ آئے ۔ انہاں دی انتہائی پیشہ ورانہ مہارت اتے بہادری دے اعتراف اچ انہاں کوں بعد از شہادت ’ستارہ جرات‘ دے اعزاز نال نوازیا ڳیا۔

مضمون کا ماخذ : اٹلانٹس کا بادشاہ

متعلقہ مضامین