پاک فضائیہ ملک دے خلاف کہیں وی جارحیت دا وختی جواب ݙیوݨ دی ودھیکی صلاحیت رکھیندی اے، ایئر چیف مارشل ظہیر احمد بابر سدھو

اسلام آباد۔24جون (اے پی پی):پاک فضائیہ دے سربراہ ایئر چیف مارشل ظہیر احمد بابر سدھو نیشنل ڈیفنس یونیورسٹی اسلام آباد دا دورہ کیتے اتے کورس دے شرکا توں خطاب کیتے۔ حاضرین توں خطاب دے دوران ائیر چیف نیشنل ڈیفنس یونیورسٹی اچ ݙتی ونڄݨ آلی تعلیم دے معیار دی تعریف کیتی ۔سلامتی دے موجودہ چیلنجز تے تکنیکی جدت تے ڳال کریندے ہوئیں ایئر چیف پاکستانی مسلح افواج دیاں جنگی صلاحیتاں تے اعتماد دا اظہار کیتے۔ انہاں ایں ڳال تے زور ݙتے جو اساݙی مسلح فوج علاقائی سالمیت اتے قومی خودمختاری دے دفاع کیتے ہر ویلھے تیار اے۔ سربراہ پاک فضائیہ آکھیے جو پاک فضائیہ ملک دے خلاف کہیں وی جارحیت اتے مذموم ارادے وختی جواب ݙیوݨ دی ودھیکی صلاحیت رکھیندی اے ۔بعد اچ سربراہ پاک فضائیہ ایئرچیف مارشل ظہیراحمد بابر سدھو کورس دے شرکا نال ڳال مہاڑ کیتی ۔

مضمون کا ماخذ : estratégias para loteria

متعلقہ مضامین