اسلام آباد ۔ 8 جنوری (اے پی پی) ایوان بالا پاکستان آرمی (ترمیمی) بل 2020ئ‘ ایئرفورس اتے پاکستان نیوی (ترمیمی) بل 2020ءمنظورکر گھدے۔بل دے تحت چیف آف آرمی سٹاف، چئیرمین جائنٹ چیفس آف سٹاف کمیٹی، پاک فضائیہ دے سربراہ اتے پاک بحریہ دے سربراہواں دی تقرریاں ، انہاں دے عہدے دی مدت اچ توسیع کوں کہیں وی عدالت اچ چیلنج نہ کیتا ونج سگسی،بری ‘ بحری اتے پاک فضائیہ دے سربراہان اتے چیئرمین جوائنٹ چیفس آف سٹاف کمیٹی دے چیئرمین دی مدت ملازمت اچ وزیراعظم دی سفارش تے صدر مملکت ترائے سال کیتے ولا تقرری کرسگسن۔انہاں مختلف ترمیمی بلاں کیتے ایوان اچ وزیر دفاع پرویز خٹک تحریک پیش کیتی جیندی ایوان توں منظوری دے بعد چیئرمین بل دی ایوان توں ہک توں بعد بیاں شقاں دی مرحلہ وار منظوری گھدی۔ایں دوران آرمی (ترمیمی) بل 2020ءدی جماعت اسلامی، جے یو آئی (ف)، پختونخوا ملی عوامی پارٹی اتے نیشنل پارٹی دے ارکان مخالفت کیتی۔ بل دے تحت آرمی ایکٹ دے سیکشن 8 اے دے تحت وزیراعظم دی ایڈوائس تے صدر مملکت ترائے سال کیتے جنرل رینک دے آفیسر کوں چیف آف آرمی سٹاف اتے چیئرمین جوائنٹ چیفس آف سٹاف کمیٹی لا سگسن۔ بل دے مطابق شق 8 بی دے تحت تعینات آرمی چیف دی ولا تقرری دا طریقہ کار واضح کیتاگئے جو چیف آف آرمی سٹاف دی تقرری یا انہاں دے عہدے دی مدت اچ توسیع کوں کہیں وی عدالت اچ چیلنج نہ کیتا ونج سگسی۔ بل دی شق 8 سی دے مطابق آرمی چیف دے عہدے دی ریٹائرمنٹ اتے ملازمت دی حدود دا تعین کیتا گئے جو ریٹائرمنٹ دی عمر اتے کہیں جنرل دی ملازمت دی مدت دی شرائط ، محدودات دا تعین چیف آف آرمی سٹاف یا آرمی چیف دے عہدے اچ توسیع دے ضمن اچ نہ تھیسی بشرطیکہ ایندی عمر 64 سال توں ودھ نہ ہووے۔ترمیمی بل دی شق 8 بی اچ چیئرمین جوائنٹ چیفس آف سٹاف کمیٹی دی تقرری دا طریقہ کار طے کیتا گئے جو صدر مملکت وزیراعظم پاکستان دی ایڈوائس تے پاک فوج دے جرنیلاں ‘ پاکستان نیوی دے ایڈمرلز یا پاکستان ایئرفورس دے ایئر چیف مارشل اچوں کہیں ہک دا ترائے سال کیتے تقرر کرسگسن۔ پاکستان ایئرفورس (ترمیمی) ایکٹ 2020 دے تحت صدر مملکت وزیراعظم دی صلاح نال چیف آف دی ایئر سٹاف داولا تقررترائے سال دی وادھو مدت کیتے کر سگسن یایا چیف آف ائیرسٹاف دی معیادمیںاچ ترائے سال دی توسیع کرسگسن جیکوں چیلنج نہ کیتا ونج سگسی۔پاکستان نیوی ایکٹ (ترمیمی ) بل 2020 ءدے مطابق صدر مملکت وزیراعظم دے مشورے نال پاک بحریہ دے سربراہ داولا تقرر ترائے سال کیتے کر سگسن۔ایں توں پہلے ایوان بالا دی قائمہ کمیٹی برائے دفاع دیاں پاکستان آرمی (ترمیمی) بل 2020ئ، پاکستان ایئر فورس (ترمیمی) بل 2020ءاتے پاکستان نیوی (ترمیمی) بل 2020ءدیاں ر پورٹاں پیش کیتاں گین۔
